Cyn i chi gyrraedd

Rydyn ni wedi gosod nifer o fesurau iechyd a diogelwch mewn grym i sicrhau diogelwch ein hymwelwyr.

Rydyn ni’n gweithredu amseroedd penodol i ddeiliaid tocynnau ddod i mewn i’r ganolfan, ac rydyn yn argymell eich bod chi’n archebu slot ymlaen llaw gan ein bod ni’n cyfyngu ar niferoedd er mwyn osgoi gorlenwi.
Rydyn ni wedi addasu cynllun yr arddangosfa i ganiatáu rhagor o le rhwng arddangosion.
Mae hylif diheintio dwylo ar gael mewn sawl man yn y ganolfan ac mae croeso i chi ofyn i’n staff wrth y ddesg flaen am ysgrifbin i’w defnyddio gyda’n sgriniau cyffwrdd.
Rydyn ni’n ffafrio taliadau digyffwrdd yn ein Siop, ond mae croeso i chi ddefnyddio arian neu gerdyn banc hefyd.
Mae mesurau glanhau ychwanegol yn weithredol gan ein tîm o lanhawyr mewnol a chontractwyr. Mae pob hylif a defnyddir i lanhau ardaloedd cyhoeddus yn ddiogel i’w gyffwrdd.
Yn unol â chanllawiau Llywodraeth Cymru, nid yw bellach yn orfodol gwisgo gorchudd wyneb yn Techniquest. Fodd bynnag, mae croeso i chi wisgo mwgwd os byddech chi’n teimlo’n fwy cyfforddus yn gwneud hynny.

Trwsio arddangosion

Rydyn ni’n ceisio sicrhau bod pob un arddangosyn yn weithredol ar gyfer eich ymweliad, a gyda dros 100 i’w gweld, mae digon o ddewis.

Ond, gan ein bod ni’n ganolfan rhyngweithiol, ymarferol, mae’n anochel bod mecanwaith, rhannau electroneg neu strwythur ein harddangosion yn ffaelu o bryd i’w gilydd. Mae’n ddigon posib felly y bydd rhai arddangosion yn cael eu trwsio pan fyddwch yn ymweld.

Fel arfer gallwn drwsio pethau yn ddigon cyflym, ond weithiau gall bethau gymryd rhagor o amser, er enghraifft os fyddwn ni’n aros am ddarnau newydd i’n cyrraedd ni.

Ein nod yw cyfyngu ar y nifer o arddangosion sy’n cael eu trwsio ar unrhyw adeg. Byddwn hefyd yn cadw cofnod isod o unrhyw arddangosion sydd yn cael eu trwsio ac sy’n debygol o gymryd amser hirach, fel y gallwch wirio cyn eich ymweliad.

Yn cael eu trwsio, neu’n aros am ddarnau ar hyn o bryd

Balŵn Aer Poeth
Syrthio i Fyny
Llaw Robotaidd

Gallwch chi ein helpu

Os ydych chi’n sylwi ar rywbeth sydd wedi torri neu ddim yn gweithio fel y dylai yn ystod eich ymweliad, dwedwch wrth aelod o staff. Gallwn ni fynd ati i’w drwsio yn syth bin. Weithiau’r cyfan sydd angen ei wneud yw ailgychwyn neu ailosod, sy’n ddigon hawdd.

Gwnewch y mwyaf o’ch ymweliad

Gobeithio y byddwch chi wrth eich boddau gyda’r arddangosion newydd. Os ydych wedi ymweld â Techniquest o’r blaen fe sylwch fod nifer ohonynt yn defnyddio technoleg fwy cymhleth nag arddangosion blaenorol a bod rhai yn fwy addas i oedolion a phlant hŷn.

Wrth ystyried hyn, rydyn ni’n eich annog chi i ddarllen y cyfarwyddiadau ar y sgriniau sydd gyda’r arddangosion, er mwyn sicrhau eich bod yn cael y mwyaf o’r profiad.

Os na fyddwch yn siŵr, gofynnwch i’n staff — byddant yn fwy na pharod i’ch helpu, drwy esbonio sut i wneud y gorau o’r arddangosion newydd, a chynghori ar beth sydd orau i ystod oedran eich grŵp. Byddwch yn ofalus gyda’r arddangosion, a dilynwch y cyfarwyddiadau, fel y gall bawb eu mwynhau.

Os ydych yn bwriadu dod â babi neu blentyn ifanc iawn gyda chi, fe allai fod yn ddefnyddiol i chi fynd i’r dudalen babanod ymlaen llaw. Mae gwybodaeth am hygyrchedd, cyfleusterau, parcio a llawer mwy i’w weld ar ein tudalen hygyrchedd a chyfleusterau.

Cofiwch, os nag ydych chi wedi archebu ar-lein eto, wrth archebu tocyn cyffredinol mae modd ychwanegu gweithgareddau eraill, megis gweithdy yn y Lab KLA, profiad Planetariwm neu docyn i Sioe Wyddoniaeth Fyw.

Os ydych chi wedi archebu tocyn cyffredinol eisoes ac am ychwanegu profiadau eraill, peidiwch â phoeni. Er bod niferoedd yn gyfyngedig, peidiwch â bod ofn gofyn i’n staff os oes lle ar ôl, i chi ymuno yn un o’r nifer o weithgareddau ychwanegol sydd ar gael. Bydd ein staff yn hapus i’ch helpu.

Mwynhewch eich ymweliad i Techniquest!